नगराध्यक्ष विनोद गंगणे यांच्या शुभहस्ते गजानन महाराजांचे तुळजापुरात स्वागत

गजानन महाराजांच्या पालखीचे तुळजापुरात जोरदार स्वागत, नगरपरिषदेच्या  वतीने तुळजापुरात स्वच्छता मोहीम

तुळजापूर दिनांक 16 प्रतिनिधी

नगरपरिषद कार्यालयात तुळजापूर च्यावतीने  श्रींच्या पालखीचे मानाचे पहिले स्वागत नगराध्यक्ष विनोद गंगणे यांच्या शुभहस्ते करण्यात आले. पालखी सोहळ्याच्या निमित्ताने नगरपरिषदेच्या वतीने शहराच्या संपूर्ण परिसरात स्वच्छता मोहीम पार पडली.

नगरपरिषदेच्या या स्वागत प्रसंगी  नगरसेविका प्रियाताई गंगणे,  मुख्याधीकारी अजिंक्य रणदिवे , उपनगराध्यक्ष रामचंद्र रोचकरी, नगरसेवक लखन पेंदे, नरेश  आमृतराव, आनंद सावंत,दीनेश क्षीरसागर, विजय कंदले,आमर  हंगरगेकर नगरसेविका निता क्षीरसागर यांच्या शुभहस्ते कणे स्टाॅफ धाराशिव रोड येथे करण्यात आले.

 यावेळी नगरपरिषद कार्यालयातील नगर अभियंता अतुल तोंडारे, चांगदेव ढोले, बापूसाहेब रोचकरी, बालाजी कोळी,प्रशांत चव्हाण,विश्वास मोटे, बालाजी जाधव, सुनील पवार लेखापाल शरयु पाटील, पुष्पांजली मंगरुळे,संज्योत सावंत तसेच नगरपरिषदेचे सर्व कर्मचारी उपस्थित होते. या निमित्ताने तुळजापूरच्या नगराध्यक्ष विनोद गंगणे यांनी सर्व शहरवासीयांना गजानन महाराजांच्या पालखीच्या आगमनाने निमित्ताने शुभेच्छा दिल्या, संपूर्ण गावाची नगर परिषदेच्या वतीने स्वच्छता आणि ठिकठिकाणी सामाजिक कार्यकर्त्यांनी रस्त्याचे सुशोभीकरण केले होते.

परंपरागत पद्धतीने गजानन महाराजांची ही पालखी तुळजापूर येथे तीर्थक्षेत्रा असणाऱ्या तुळजाभवानीच्या मंदिरात येते गजानन महाराजांच्या पादुका आणि मानकरी तुळजाभवानी देवीचे दर्शन घेतात त्यानंतर येथील लोहिया मंगल कार्यालय येथे या पालखीचा मुक्काम संपन्न होतो. अनेक सेवा देणारे भाविक भक्त शेगावच्या या गजानन महाराजांच्या पालखीच्या स्वागत आणि इतर सुविधा देण्यासाठी दिवसभर प्रयत्नशील असतात. भक्ती भवानी हजारो लोक या  पालखीचे दर्शन घेतात.