ब्रह्मदेवाच्या मूर्ती प्रकरणी कारवाई होत नसल्यामुळे हिंदू राष्ट्र सेनेचे मंदिर संस्थान अध्यक्षांना निवेदन, कोणती कारवाई होणार याकडे तुळजापूरकरांचे लक्ष.

श्रीब्रम्हदेव मूर्ती भंग प्रकरणी दोषींवर कारवाई झाल्याशिवाय नवीन निर्णय घेतल्यास राज्यव्यापी आंदोलनाचा इशारा

तुळजापूर दिनांक 18 प्रतिनिधी डॉ सतीश महामुनी

तुळजाभवानी मंदिरातील प्राचीन ब्रम्हदेव मूर्ती भंग प्रकरणातील दोषींवर कायदेशीर कठोर कारवाई झाल्याशिवाय या विषयात नवीन निर्णय घेऊ नये, मंदिर प्रशासन चुका करणाऱ्या वर कधी शासन करणार आहे या मागणीची निवेदन  हिंदुराष्ट्र सेनेच्या वतीने मंदिर संस्थांच्या अध्यक्ष डॉ. कीर्ती कुमार पुजार यांना दिले आहे. या प्रकरणी मंदिर संस्थांचे अध्यक्ष कोणता निर्णय घेणार याकडे सर्वांचे लक्ष लागले आहे. किरकोळ चुका केल्यानंतर मंदिर बंदीची कारवाई करणारे संस्थान ब्रह्मदेवाच्या मूर्ती प्रकरणी मात्र अद्याप कारवाई करत नसल्यामुळे उलट सुलट चर्चेला उधान आले आहे.

मागील वर्षी श्री तुळजाभवानी मंदिर प्राधिकरण दरम्यान श्री ब्रम्हदेवतांची मूर्ती मंदिर प्रशासनाच्या हलगर्जीपणा मुळे भंग पावली होती. या संदर्भात पुजारी मंडळ,  विविध हिंदुत्वनिष्ठ संघटनांसह , विविध राजकीय पक्षांच्या प्रतिनिधींनी आवाज उठवून दोषींवर कठोर कारवाई ची मागणी केली होती. तरीदेखील कोणतीही कारवाई न झाल्याने या प्रकरणी तुळजापूर न्यायालयात या संबंधी तक्रार दाखल केली असून हा विषय न्यायप्रविष्ट आहे.

  परंतु मूर्ती भंग प्रकरणी दोषी असलेल्या अधिकाऱ्यांना वाचवण्यासाठी व हा विषय मोडित काढण्यासाठी घाईघाईने या संदर्भात मंदिर प्रशासन नवीन निर्णय घेत आहे ही मंदिर संस्थांची कृती अत्यंत चुकीचे आहे जोशीवर कारवाई केल्याशिवाय पुढील कोणतेही कार्यवाही करू नये असे या निवेदनात म्हटले आहे. मंदिर संस्थानाध्यक्षांना निवेदन देताना हिंदुराष्ट्र सेनेचे जिल्हा प्रमुख परीक्षित साळुंके,ऍड.शुभम खोले व सहकारी उपस्थित होते.

तुळजाभवानी मंदिर मध्ये लहान मोठ्या चुका झाल्या तर तातडीने कारवाई केली जाते मंदिर बंदी देखील करण्यापर्यंत मजल मारली जाते परंतु ब्रह्मदेवाची मूर्ती भंग करून प्रशासनाने अद्याप कोणतीच कारवाई न केल्यामुळे याप्रकरणी हिंदू राष्ट्र सेनेच्या या निवेदनानंतर मंदिर संस्थानचे अध्यक्ष या पकरणी कोणती कारवाई करतात याकडे सर्व तुळजापूरकरांचे लक्ष लागले आहे