बंदी असणारा गुटखा तुळजापुरात पुन्हा जास्त भावाने विक्रीस उपलब्ध

तुळजापूर दिनांक 18 प्रतिनिधी

तुळजापुरातील सर्व पान दुकानांमध्ये ज्या गुटख्वर बंदी आहे तो गुटखा सर्रासपणे विकला जात आहे आणि लोकांकडून तो जास्त भाव देऊन खरेदी केला जात आहे अशी स्थिती आहे. येथील पोलीस कारवाई निष्क्रिय ठरल्यामुळे टपरी चालकाचे धाडस वाढले आहे. तुळजापूर येथील तीर्थक्षेत्र आहे येथे भाविक भक्ताची मोठी गर्दी असते त्याचबरोबर तुळजापूर मध्ये देखील ज्या गुटख्यावर बंदी आहे त्याचे सेवन करणाऱ्यांची संख्या मोठी आहे. परिणामी खाणारा आणि विकणारा असा मोठा वर्ग पोलिसांच्या संगणमताने धाडस करतो आहे. राज्यस्तरावरून आदेश आल्यानंतर जुजबी कारवाई केली जाते आणि त्यानंतर सर्रासपणे सर्व पान दुकानांमध्ये बंदी असलेल्या गुटख्याची सर्रासपणे विक्री होत असल्याचे दिसून येत आहे.  बस स्थानक परिसर गोलाई परिसर लातूर रोड परिसर भवानी रोड परिसर शिवाजी चौक परिसर धाराशिव रोड परिसर नळदुर्ग रोड परिसर अशा सर्व ठिकाणी बंदी असलेला गुटखा मिळतो कसा  ? असा प्रश्न उपस्थित झाला आहे . याप्रकरणी मोठे रॅकेट असून तुळजापूर पोलिसांनी ंकडून होणाऱ्या दुर्लक्षा मुळे ही व्यसनाधीनता दोन्ही बाजूनी वाढली आहे. गुटखा खाणारे आणि गुटखा विकणारे असे दोन घटक या निमित्ताने चर्चेत आहे.